photo tharaka.gif

Duminda Disanayake With KaraLiya

වර්තමාන අධ්‍යාපන සේවා අමාත්‍ය වරයා මාධ්‍යට වැඩිය පුවත් නොමැවුවට එතුමාගේ වැඩේ නම් අකුරටම කරනව කියලයි අපිට ආරංචිය.මේනිසාමද ඉදල හිටල පොඩ් පොඩ් ප්‍රශ්නත් එතුමට එනවලු.අපි හිතුව කරළියෙන් එතුමව හම්බෙන්න ගිහිල මේ විස්තර අහන්න.ඉතින් කරළිය On stage කණ්ඩායම ඒ වැඩේට ඇමහිතුමා හොයාගෙන එතුමගෙ ගෙදර ගිහින්.

Dayasiri Jayasekara With KaraLiya

විටෙක ඔහු සුන්දර ගායකයෙක්,විටෙක ඔහු ජනතාව වෙනුවෙන් කැප වෙන යුග පුරුශයෙක්,විටෙක ඔහු රටේ අසාධාරනයට අයුක්තියට.

Wimal Weerawansha With KaraLiya

පසුගිය දිනක නිවාස දසලක්ෂයේ සංවර්ධන වැඩ සටහන ගැන හා ඒ හා අදාල භෞතික සැලස්ම ගැන කථා රාශියක් හා .

Ranjan Ramanayake With KaraLiya

චරිත ගාතනයයි මනුශ්‍ය ගාතනයයි එකයි කියල හිතට ගන්න.

Mervin Silva With KaraLiya

දූෂණය භිෂනය වැනි කාලීන ගැටලු රටක් තුල මතු වෙද්දී ජනයාගේ ඇගිල්ල නිරන්තරයෙන්ම දිගු වන්නේ .

SB Disanayake With KaraLiya

ශ්‍රිලාංකීය උසස් අධ්‍යපන ශේත්‍රය පිලිබද නොයෙකුත් මතවාද නොයෙකුත් කටකතා පැතිර යන අවදියක.

Friday, November 21

මෛත්‍රී පාලනය තුළ මීළඟ අගමැති රනිල්ද?


මේ  වන විට  කොළඹ  නව  නගර  ශලාවේ  අමාත්‍ය  මෛත්‍රීපාල  සිරිසේන මහතාගේ  ප්‍රධානත්වයෙන්  පැවැත්වෙන  මාධ්‍ය  සාකච්ඡාවේදී  බොහෝ  කරුණු  සාකච්ඡා  වෙමින්  පවතින  බවට  වාර්තා  වේ.  එහිදී  ජනාධිපතිවරණයෙන්  පසුව   පැවැත්වීමට නියමිත  මහ මැතිවරණය  පිළිබඳවද  සාකච්ඡා  විණි.  
එහිදී බොහෝ  දෙනාගේ  මතය  වී  ඇත්තේ  ජනාධිපතිවරනයෙන්  මෛත්‍රීපාල  මහතා  ජයග්‍රහණය  කළ  පසු  මහ මැතිවරණයක්  මඟින්  පත්වන  රජයේ  අගමැතිවරයා  විය  යුත්තේ  විපක්ෂ  නායක  රනිල්  වික්‍රමසිංහ  මහතා  බවය.

මෛත්‍රී පාලනය තුළ දින100න් විධායක ජනාධිපති ක්‍රමය අහෝසියි


මීට සුළු  වේලාවකට  ප්‍රථම  විපක්ෂයේ  පොදු  අපේක්ෂකය ලෙස  තේරී  පත්  වූ  මෛත්‍රීපාල  සිරිසේන  මහතා  මේ  වන  විට රට තුළ  මහත්  කතිකාවතක්  නිර්මාණය  කර  ඇත.  ආණ්ඩු  පක්ෂයේ  කිසිවෙකුත්  මේ  වනතෙක්  මේ  සම්බන්ධව  ප්‍රකාශයක්  නිකුත්  කර  නොමැත.  මේ  අතර  අභිනවයෙන්  තේරීපත්වූ  පොදු  අපේක්ෂකවරයා  මේ  වනවිට  විධායක  ජනාධිපති   ධූරය  අහෝසි  කරන  බවටද  පොරොන්දුවක්  දී  අවසන්ය.
මේ  වනවිට කොළඹ  නව  නගර  ශාලාවේ  'මෛත්‍රී  පාලනයක්'  නමින්  පැවැත්වෙන  හමුවේදී  රටට  පිළිලයක්ව  පවතින  විධායක ජනාධිපති  ධූරය  මීළඟ ජනාධිපතිවරණයෙන්  ජයග්‍රහණය  කර  දින  100ක්  ඇතුලත  අහෝසි  කරන බවට  පොරොන්දුවක්  ලබා  දී  ඇත.

පොදු අපේක්ෂක ඇමති මෛත්‍රීපාලගෙන් සැමට තුති


එළඹෙන  ජනාධිපතිවරනය  සඳහා  විපක්ෂයෙන්  ඉදිරිපත්  වන  පොදු  අපේක්ෂකයා  ලෙස  නොසිතූ  පරිදි  ශ්‍රී  ලංකා  නිදහස්  පක්ෂයේ  මහලේකම්  සෞඛ්‍ය  ඇමති  මෛත්‍රීපාල  සිරිසේන  මහතා  පත්  කර  ගෙන ඇත.  මීට  සුළු  වේලාවකට  ප්‍රථම  කොළඹ  නව  නගර  ශාලාවේදී  “ මෛත්‍රී  පාලනයක්  ගොඩනගමු”  තේමාව  යටතේ  පැවැත්වෙන  මාධ්‍ය   හමුවේදී  මේ  බව  හෙළිදරව් වී  ඇත.
පොදු  විපක්ෂය  විසින්  පැවැත්වූ  මෙම  මාධ්‍ය  හමුවට  හිටපු  ජනපති  චන්ද්‍රිකා  බණ්ඩාරනායක  කුමාරතුංග,  ධීවර  ඇමති  රාජිත  සේනාරත්න,  අධ්‍යාපන  සේවා  ඇමති  දුමින්ද  දිසානායක,  එම්. කේ. ඩී. එස්  ගුණවර්ධන,  ප්‍රජාතන්ත්‍රවාදී  පක්ෂයේ  අර්ජුන  රණතුංග,  එක්සත්  ජාතික  පක්ෂයට  ඊයේ(20)  එක්වූ  වසන්ත  සේනානායක  ඇතුළු  විශාල  පිරිසක්  එක්  වූහ.
එම අවස්ථාවේ  සභාව  ඇමතූ  මෛත්‍රීපාල  අමාත්‍යවරයා  විපක්ෂය විසින්  ඉදිරි  ජනාධිපතිවරණය සඳහා  පොදු  අපේක්ෂකයා  ලෙස  තමාව පත්  කර  ගැනීම  සම්බන්ධව  ශ්‍රී  ලංකා  නිදහස්  පක්ෂය , එක්සත්  ජාතික  පක්ෂය  ඇතුළු  විපක්ෂයේ  සහයෝගය  ලබාදුන්  සියළු  දෙනාට  තම ස්තූතිය  හිමි  වන බව  පැවසීය.

මැතිව්ස් facebook ගැන කතා කරයි


ශ්‍රී ලංකා  කණ්ඩායම  ඉන්දීය  කණ්ඩායම වෙතින්  ලද දරුණු  පරාජය  පිළිබඳව  මාධ්‍යයකට  පසුගියදා  අදහස්  දැක් වූ  ක්‍රීඩා  අමාත්‍ය මහින්දානන්ද  අලුත්ගමගේ  මහතා  එහිදී  කණ්ඩායමේ  තරුණ  ක්‍රීඩකයින්ගේ  ක්‍රියා  කලාපය  දැඩි  දෝෂදර්ශනයට  ලක්  කරන ලදී.  ඒ  තරුණ  ක්‍රීඩකයින්  රාත්‍රී  කාලයේදී   භාවිතා කිරීම   නිසා  උදේ  වරුවේ  හොඳින්  ක්‍රීඩා  කිරීමට  ඔවුන්ට නොහැකි  වන  බව පවසමිනි.
අමාත්‍යවරයාගේ  මෙම  ප්‍රකාශය සම්බන්ධව  ශ්‍රී  ලංකා ක්‍රිකට්  කණ්ඩායමේ  නායක  ඇන්ජලෝ  මැතිව්ස්  ඊයේ(20)  අදහස්  දැක්වීය.
"ඇත්තටම  ඒ  චෝදනවා  මට  ආරංචි  වුනේ  නැහැ.  අපි  හෝටලයට  ගියහම  නවාතැන්  ගැනීම  සඳහා  අපිට  තිබෙන්නේ  තනි  කාමර  වශයෙන්.  අපේ  කළමණාකාර  මහත්මයා  සහ  මම  කාමර  ඇතුළට  ගිහින්  මොනවද  උනේ  කියලා  බලන්නේ  නැහැ.  ඇත්තටම  මම  ඒ  ගැන  දන්නේ  නැහැ."

lips kiss කරන්නෙ බලාගෙනයි



පුද්ගලයින්  දෙදෙනෙකු  අතර  සිදුවන තත්පර  10ක තොල්  සිපගැනීමක්දී  ඔවුන්  දෙදෙනා  අතර  මිලියන  80ක්  බැක්ටිරියාවන්  හුවමාරු  වන බවට  නෙදර්ලන්ත විද්‍යාඥයින්  පිරිසක්  පරීක්ෂණ  මඟින්  අනාවරණය  කර  ගෙන  ඇත.  ඔවුන්  මේ  සඳහා  ජෝඩු 21ක්  පරීක්ෂණයට  භාජනය කර  ඇත.
සමාන්‍යයෙන්  පුද්ගලයෙකුගේ  මුඛයේ  හත් සීයකට  අධික  විවිධ  වර්ගයේ  බැක්ටීරියා  ජීවත්  වන  අතර  ඉන්  සමහරක්  තොල්  සිප  ගැනීමක්  මඟින්  පහසුවෙන්  හුවමාරු  විය  හැකි  බැක්ටීරියා  බව  එම  පරීක්ෂණ  වලින්  හෙළි  වී  ඇති  බව   ඔවුන්  ‘මයික්‍රෝ  බයෝම්’  නමැති  සඟරාවට  වැඩි  දුරටත්  පවසා  ඇත.
එහෙම  බැලුවම  මිනිසුන්  අතර  කොච්චර  නම්  බැක්ටීරියාවන්  ප්‍රමාණයක්  දිනකට  එකිනෙකා  අතර  හුවමාරු  වනවා  අත්ද?

වෙනස් වෙන සුළු ඇමති මෛත්‍රීපාල

අද  පෙරවරුවේ  බත්තරමුල්ල ජනකලා කේන්ද්‍රයේ  පැවති  අමාත්‍යංශයේ  පත්වීම්  ප්‍රධානය  කිරීමේ  උත්සවයකට  සහභාගී  වෙමින්  සෞඛ්‍ය  ඇමති  මෛත්‍රීපාල සිරිසේන අමාත්‍යවරයා  ආන්දෝලනාත්මක  ප්‍රකාශයක්  කර  ඇත. එහිදී  ඔහු  දැනට  ආණ්ඩුවේ  සිටියත් ඉදිරියේදී එම  තීරණය  වෙනස්  විය  හැකි  බවට  ඉඟි  පළ  කර  ඇත.
"සෞඛ්‍ය  ඇමතිවරයා  විදිහට  අවුරුදු  පහකට  ආසන්න  කාලයක්  වැඩකරපු  මම  ඉතාමත්ම  සතුටු  වෙනවා  ඔබත්  සමඟ  මේ  අවස්ථාවේ  එක්වන්නට  ලැබීම  පිළිබඳව.  ඒක  නිසා  විශේෂයෙන්ම  ඔබ  සමඟ  එක්වූ  මේ  කාල  සීමාව  තුළ  ඔබ  සමඟ  සතුටට  පත්  වෙලා  විශේෂයෙන්ම  ඔබේ  අනාගතය  වෙනුවෙන්  විශේෂයෙන්ම  ඔබේත්  මගේත්  රට  වෙනුවෙන්  ඔබ  වෙනුවෙන්  මම  හැමවිටම  අද  දවසේ  වගේම  ඉදිරියට  අනාගතයේදීත්  මීටත්  වඩා  ඔබට  සේවය  කිරීමට  කැපවෙනවා. මම  දැනට  ආණ්ඩුවෙන්  යන්න  තවම  තීරණය  කරලා  නැහැ. නමුත්  ඒක  ඕන  මොහතක  වෙනස්  වෙන්න  පුළුවන්."
මේ  අතර  අමාත්‍යවරයා  අද (21)  පෙරවරු 11.30ට  ශ්‍රී  ලංකා  නිදහස්  පක්ෂ  මූලස්ථානයේ  පැවැත්වෙන  මාධ්‍ය  හමුව  ප්‍රතික්ෂේප  කර  ඇතැයිද වාර්තා  වේ. 

මළ අපද්‍රව්‍යවලින් දුවන බස් රථයක්

මිනිසුන්ගේ  මළ අපද්‍රව්‍ය  සහ  ඔවුන්  විසින්  ඉවත  හෙලන  ල්ද  ආහාර මඟින්  නිපදවූ  ජීව  වායුව  යොදා  ගනිමින්  ධාවනය  වන  ප්‍රථම  බස් රථය  බ්‍රිතාන්‍ය  විසින්  නිපදවා  ඇති  අතර  පසුගියදා  එය  තම  මංගල  ගමන  ඇරඹීය.  එරට  වෙස්සෙක්ස්  ප්‍රාන්තයේ  පිහිටි  GENeco  සමාගමේ   ජීව  වායු  බලාගාරයක්  මඟින්  මෙම  බස්  රථය  සඳහා  ජීව  වායුව නිපදවනු  ලබයි.
මෙම  බස් රථය  ආසන 40කින්  යුක්ත වන  අතර  එයට  කිලෝමීටර්  190ක දුරක්  ධාවන  කිරීම  සඳහා  පුද්ගලයින්  පස්  දෙනෙකු  වාර්ෂිකව  පිටකරන  අපද්‍රව්‍ය යොදා  අවශ්‍ය  වේ.  මේ අතරම එම GENeco සමාගම  මිනිස්  අපද්‍රව්‍ය  යොදා  ගනිමින්  නිවාස  8300ක්  වෙත  වායුව  සැපයීමේ  සේවාවක්ද  දැනටමත්  අරම්භ  කර  ඇත.

මා එක්ක හැප්පිලා හොඳම පරාජිතයා වෙන්නෙ කවුද? - ජනපති


ලබන  ජනවාරි  මස පැවැත්වීමට නියමිත  ජනාධිපතිවරණයේදී  ජනාධිපතිවරයා  තරඟ කළද  ඔහුත්  සමඟ තරඟයට  ඉදිරිපත්  වීමට  විපක්ෂයේ  කිසිදු  පක්ෂයකින්  මේ  වනතෙක්  කිසිවෙකුත්  ඉදිරිපත් කර  නොමැත.  මේ  සම්බන්ධව  විපක්ෂයේ  පක්ෂ  පවසන්නේ  හොඳම  අවස්ථාවේදී තමන්ගේ  ජනාධිපති  අපේක්ෂකයාව  ඉදිරිපත්  කරන බවයි.
විපක්ෂය  අපේක්ෂකයකු  ඉදිරිපත් කිරීමට  කල්  මැරීම  සම්බන්ධව  සමච්චලයෙන්  කතා  කරන ජනාධිපතිවරයා  කොළඹදී  පැවති  උත්සව  සභාවක්  අමතමින්  කියා  සිටියේ  තමා  සමඟ  තරඟ  කරන්නට  එන  මිනිහා  කවුද  කියා  මෙතරම්  කාලයක්  තමනුත්  රටේ  ජනතාවත්  බලාගෙන  සිටි  බවයි.  එමෙන්ම  ජනාධිපතිවරණයේදී  හොදම  පරාජිතයා  කවුදැයි  රටටම  දැනගැනීමට  හැකිවනු  ඇති  බවටත්  ඔහු  උපහාසාත්මකව  පැවසීය.

ජනපති නැකත එනතුරු බලා සිටි හැටි

ජනාධිපති  මහින්ද  රාජපක්ෂ  විසින්  ඊයේ(20)  අරලියගහ මැදුරේදී  ඉදිරි  ජනාධිපතිවරණයට  අවශ්‍ය  කටයුතු  යොදන  ලෙස  මැතිවරණ  කොමසාරි  වෙත  දන්වන  ලියැවිල්ලට අත්සන්  තබන  ලදී.  ඒ  ජනාධිපතිවරයාගේ  දෛවඥයින්  විසින්  ලබාදුන්  සුබ  නැකතකට  අනුවය.

එම  සුබ නැකත  පස්වරු  1.30 ට  පමණ යදී  තිබූ අතර  නැකත  එනතුරු  ජනාධිපතිවරයා  හා  ජනාධිපති  ලේකම්  ලලිත්  වීරතුංග මහතා  ඉතා  ඕනැමකින්  ඔරලෝසුව  බලමින්  සිට  ඇත.  එම  අවස්ථාවට  ජනාධිපති  පුත්  යෝෂිත  රාජපක්ෂද  එක්  වී  ඇත.  ජනාධිපතිවරයා  සුබ  නැකතින්  අත්සන  යොදත්ම  ආණ්ඩු පක්ෂ  දේශපාලකයින්ගේ  මැදිහත්වීම මත   රටපුරා  රතිඥඥා  පුපුරාසතුට  සැමරන  ලදී.



රතන හිමිට උන් හිටි තැන් අහිමි වේද?

ආණ්ඩු  පක්ෂයෙන්  ලැබුණු  සියළු වරප්‍රසාද  හා  තනතුරු  අතහැර  දැමූ හෙළ  උරුමයේ  සභාපති  පූජ්‍ය  අතුරලියේ  රතන  හිමිට ඊයේ(20)  ජනතාවගේ  විරෝධය  එල්ල විණි.  ඒ  රතන  හිමියන්  වෙත  ජනාධිපතිවරයා  විසින්  සඟ  සතුකොට පූජා  කළ  රාජගිරියේ  සදහම්  සෙවන  ජාත්‍යන්තර  පර්යේෂණායතනය  පිහිටි  ඉඩම නැවත  ලබා  දෙන  ලෙස  ඉල්ලමිනි.
මෙම ඉඩම  ජනාධිපතිවරයා  විසින්  සඟ  සතු  කොට පූජා  කිරීමට  ප්‍රථම  මෙම  ඉඩම  ශ්‍රී  ජයවර්ධනපුර කෝට්ටේ  මහනගර  සභාවට  අයත්ව  තිබිණි. මුලින්ම කෝට්ටේ  මහනගර  සභාව  වෙත  ගිය  උද්ඝෝෂකයින්  නගරාධිපති  ජනක  රණවක  මහතාට  මෙම  ඉඩම  රතන  හිමියන්ගෙන්  ලබාගෙන   ජනතාවට  ලබාදෙන  ලෙස  ඉල්ලා  පෙත්සමක්ද  භාරදෙන  ලදී.

වීඩියෝව  පහතින්  නරඹන්න.
                

රතන  හිමි මේ සම්බන්ධව  පවසන්නේ  මෙය තමන්  ආණ්ඩුවෙන්  ඉවත්වීමේ  ප්‍රථිඵලයක්  බවත්  සඟ  සතු  කළ  පූජා  කල  යමක්  නැවත  පවරා  දීමට  තමාට අයිතියක්  නොමැති  බවත්ය.  කවුරුන්  කෙසේ  කුමක්  කීවද සඟ  සතු  කොට  පූජා  කල  යමක්  නැවත  ඉල්ලා  සිටීම  කිසිසේත්  සදාචාර සම්පන්න  නැත. ඉතා  ලැජ්ජා  සහගතය.

toyota සමාගමෙන් දුම් පිට නොකරන මෝටර් රථයක් (වීඩියෝ)


නවතම  මාදිලියේ  මෝටර්  රථ  හඳුන්වාදෙන  සමාගමක් ලෙස  ප්‍රකට ටොයොටා  සමාගම  පරිසර හිතකාමී  මෝටර්  රථයක් හඳුන්වාදී  ඇත.  මෙම සුවිශේෂී මෝටර්  රථය  පරිසර  හිතකාමී  මෝටර්  රථයක්  වන්නේ  අනෙකුත් වාහන වල  මෙන්  මෙම මෝ  රථයෙන්  දුම්  පිට නොකිරීමයි.  ඒ  වෙනුවට  මෙම මෝටර්  රථයෙන්  පිට වන්නේ  පිරිසිදු  ජලය බව  එම  සමාගම පවසයි.
ඒ මෙම  මෝටර්  රථය  ඉන්ධන  වෙනුවට  හයිඩ්‍රිජන් සහ ජලය  යොදා  ගන්නා  බැවිනි.  හයිබ්‍රිඩ්  මාදිලියේ  මෝටර්  රථයක්  වන මෙහි  නිෂ්පාදන  අමුද්‍රව්‍ය  ලෙස යොදා  ගෙන ඇත්තේද  පරිසර  හිතකාමී  ද්‍රව්‍ය  වීම  විශේෂත්වයකි.  ටොයොටා  සමාගම විසින්  මෙම  අවුරුද්ද  අවසන්  වීමට  ප්‍රථම  මෙම  මෝටර්  රථය වෙළඳපොළට  හඳුන්වා  දීමට  නියමිතව  ඇත.

වීඩියෝව  පහතින්  නරඹන්න.
                 

දයාසිරිගෙන් සරත් එන්.සිල්වා ගැන හෙළිදරව්වක්


හිටපු  අගවිනිසුරු  සරත්  එන්. සිල්වාව  රටේ  සමහර  නීතීඥයින්  විසින්  වර්නනා  කරද්දී  තවත්  නීතීඥයින්  පිරිසක්  ඔහුව  ඔහු  දුන්  තීන්දු  පිළිබඳව  ප්‍රශංසා  මුඛයෙන්  කතා  කරයි.  වයම මහ  ඇමති  නීතීඥ  දයාසිරි ජයසේකර  සරත්  එන්.  සිල්වාව  විවේචනය  කරන නීතීඥයින්  අතර  පෙරමුණේම  සිටින්නෙකි.  ඔහු ඊයේ(20)  කුලියාපිටියේදී පැවති  ජන හමුවක්  අමතමින්  කියා  සිටියේ  ලංකාවේ  අධිකරණ  සම්ප‍්‍රදාය  වැනසුවේ  හිටපු  අගවිනිසුරු  සරත්  එන්. සිල්වා  බවය.
"නීතිඥයන් විදියට අපි ඒ කාලයේ උදේට යනවා ශ්‍රේෂ්ඨාධිකරණයට. ශ්‍රේෂ්ඨාධිකරණයේ නඩු අහන්න  එතුමා  ඇවිල්ලා ඉදගන්නේ උදේ 11.00ට  අපිත් ගිහිල්ලා ඉදගන්නවා උදේ 10.00ට විතර. නඩු අහන්න ගත්තාම වම්පැත්තේ ඉන්නේ ඔක්කෝම පොලීසිවල  ඕ.අයි.සී මහත්වරු. ඔක්කෝම පොලීසිවල  ඕ.අයි.සී මහත්වරු එතන ඉන්නේ ඔක්කො වැලි නඩු ටික අහන්නේ ඒකේ නිසා. හෙට්ටිපොල  උසාවියේ  කුලියාපිටිය මහේස්ත‍්‍රාත්  අධිකරණයේ අහන්න  තියෙන වැලි නඩු  ටික  අහන්නේ  ශ්‍රේෂ්ඨාධිකරණයේ  අග‍්‍ර  විනිශ්චයකාරවරයා.
මේ රටේ පාර්ලිමේන්තුවෙන් අයින් වෙලා අනෙක් පැත්තට යන්න ආණ්ඩු පක්ෂයෙන් හෝ විපක්ෂයෙන් ඇවිත් ඇමතිකම්  ගන්න  පුළුවන්  කියලා  තීන්දුව දුන්නේ සරත් එන් සිල්වා මහතායි. එයා  තමයි  ලංකාවේ  ප‍්‍රජාතන්ත‍්‍රවාදය නැති කළේ රටේ ශ්‍රේෂ්ඨාධිකරණය විනාශ කළෙත් ඒ මහතායි.  "

Thursday, November 20

ලංකාව ඉන්දියාවට පැරදුනේ facebook නිසාද?

පසුගියදා ශ්‍රී  ලංකාවට  අමිහිරි  මතකයක්  ඉතිරි  කරමින්  අවසන්  වූ  ඉන්දීය  එක්දින තරඟාවලිය සිතන්නට බොහෝ  දේ  ඉතිරි  කළ තරඟාවලියක්  විය.  එහිදී ලද පරාජයේ  චෝදනාව  කෙලින්ම එල්ල වූයේ  ක්‍රිකට්  ආයතනයට හා  ක්‍රීඩා  අමාත්‍ය  මහින්දානන්ද අලුත්ගමගේටය. ඒ  හදිස්සියේම  එවන්  තරඟාවලියක් යොදා  ගැනීම  සම්බන්ධවය.  මේ  වනවිට  එම  චෝදනාව  ක්‍රීඩකයින්  වෙත පෙරළා  පැමිණ  ඇත.
ඒ  ශ්‍රී  ලංකා  පිලේ  පරාජයට  තුඩු  දුන්  කරුණු  සම්බන්ධව  දීර්ඝ  පැහැදිලි  කිරීමක්  ඊයේ (19)  දිනයේදී  ක‍්‍රීඩා  අමාත්‍ය  මහින්දානන්ද  අලූත්ගමගේ  මහතා  විසින්  සිදු  කළ  අවස්ථාවකදීය.  අමත්‍යවරයා  මෙවන්  ප්‍රබල  චෝදනාවක්  ක්‍රීඩකයින්  වෙත  එල්ල කළ  ප්‍රථම අවස්ථාවද මෙය  විය.
"තරුණ  ක්‍රීඩකයෝ  තරඟවලට  ගියාම  තරඟය  ඉවර  වෙලා  මේගොල්ලෝ  රෑ   එළිවෙනකන්  ඉන්නේ  ෆේස්බුක්  වගේ  ඒවල .  උදේට  මැච්  ගහන්න  බැහැ  ෆිට්  නැහැ.  මේවා  කියන්න  බැහැ   අපිට  මේ  තරුණ  ක්‍රීඩකයෝ  පෙර්ෆොර්ම්  කරන්නෙ  නැත්තේ  ඒකයි .  සමහර  දේවල්  තියනවා  අපිට  කියන්න  බැහැ.  මෙහෙම  කියන්න  බැරි  දේවල්  තියනවා. 
අපි  පහුගියදා  ගත්තා   ක්‍රිකට්  පාලක  මණ්ඩලයේ  තීරණයක්,  මම  කිව්වා  තේරීම්  කමිටුවේ  සභාපතිට  ඔබතුමා  දැඩි  තීරණ  ගන්න  මේවට.  මේ  තරුණ  ක්‍රීඩකයෝ  තමන්ගේ  තරුණකම  කෙළිලොල්කම,  ඉස්සර  එහෙම  නෙමෙයි  ජේෂ්ඨ  ක්‍රීඩකයින්ගේ  කැපකිරීමක්   තිබුනා.  ගිහිල්ල   වෙලාවට  හරියට  කනවා. නිදාගන්නවා. පුහුණුවෙනවා  එහෙම .
 තේරීම්  කමිටුවේ  සභාපතිතුමා  කිව්වා  මේ  අය  විදේශ  සංචාරවලට  ගියාම  රෑ  2, 3  වෙනකන්  හොඳම  ක්‍රීඩකයෝ  ඉන්නේ  ෆේස්බුක්  එකේ.  ඉතින්  උදේට  ෆිට්  නැහැ  මේගොල්ලෝ.  එහෙම  යම්  යම්  ප්‍රශ්න  අපිට  තියනවා.  ඉතින්  අපි  මේවට  දැඩි  නීතිරීති  ගෙනල්ලා  මේවා  හදාගන්න  ඕන. "

රතන හිමිගේ පන්සලට ගල් ප්‍රහාරයක්


පාර්ලිමේන්තු  මන්ත්‍රී  පූජ්‍ය  අතුරලියේ  රතන  හිමියන්  වැඩවසන  රාජගිරියේ  පිහිටි  සදහම්  සෙවණ  විහාරාස්ථානයට  අද(20)  දහවල්  කිසියම්  පිරිසක්  විසින්  ගල්  ප්‍රහාරයක්  දියත් කොට  ඇත.  මෙම  සිද්ධිය  සම්බන්ධයෙන්  මේ වනවිටත්  ආණ්ඩුවට  චෝදනාව  එල්ල  වී  ඇති  අතර  සිද්ධියෙන්  කිසිවෙකුටත්  අනතුරක්  සිදු වී  නොමැත.
මෙම  සිද්ධිය  ඇතිවීමට ප්‍රථම  ආණ්ඩු  පක්ෂයේ  නාගරික මන්ත්‍රීවරුන්  පිරිසක්  විසින්  රාජගිරිය  ඔබේසේකරපුර  පිරිස්  එක්කාසු  කරමින්  සිටින බවට  තමාට  හිතවත්  පිරිසක්  විසින්  පැවසා  සිටි  බව  මාධ්‍ය  වෙත  අදහස්  දැක්වූ  සඳහම්  සෙවණ - ජාත්‍යන්තර  බෞද්ධ  තොරතුරු  සහ  පර්යේෂණ  ආයතනයේ  වත්තහේනේ  විජිත  හිමියන්  පැවසූ  අතර  එම හේතුව නිසසවෙන්  විහරස්ථානයට  ආරක්ෂාව  සපයන  ලෙස  පොලිසියෙන්ද  ඉල්ලීමක්  කල  බව  සඳහන්  කරන  ලදී.

facebook හුටපටයක් නිසා නාවලපිටියේ උද්ඝෝෂණයක්

 
නාවලපිටිය  ශාන්ත  මරියා  විදුහලේ  විදුහල්පතිනිය  එෆ්.ඒ. රියාල් මහත්මිය  සම්බන්ධයෙන්  කිසියම්  අයෙකු  ෆේස්බුක්  එකේ  අපහාසාත්මකව  පොස්ට්  එකක්  පළ  කර තිබීමෙන්  පසු  එය  දැකීමෙන්  එම  විදුහල්පතිනිය  අධිරුධිර  පීඩන තත්වයට  පත්ව  රෝහල්ගත  කළ  පුවතක්  වාර්තා  වේ.
විදුහල්පතිනියව  ඇතුලත්  කර  ඇත්තේ  නාවලපිටිය  රෝහලටය.  එතෙකින්  එම  සිද්ධිය  නැවතී  නැති  අතර  මෙම  ක්‍රියාව  සිදු  කල  අය පාසලටද  පැමිණ ඇත.  එම  අවස්ථාවේ  ගුරුවරිය  ඔවුන්ට බැණ  වැදී  ඇත.  එවිට පෙරළා  ගුරුවරියටද  බැණ  වැදුණු  ඔවුන්  ඇයට පහරදීමක්ද  සිදු  කළ  අතර  පසුව  එම පහරදීම නිසා  ඉසඩ්. බී. ඒ.  ආබ්බාක්  නැමැති  ගුරුවරියවද  නාවලපිටිය  රෝහලට ඇතුළු  කරන්නට  සිදුව  ඇත.  පසුව මෙම  සිද්ධිය නිසා  නොසන්සුන්  වූ  සිසුන්  හා  දමව්පියන්  නාවලපිටිය  නගරයට  පැමිණ  උද්ඝෝෂණයකද  නිරතව  ඇත.