මහජන සබඳතා ඇමැති මර්වින් සිල්වා මහතාට අම්බලන්ගොඩදී ‘දෑ පේ‍්‍රමී ජනරංජන’ ගෞරව නාමය පිරිනමා තිබේ.ගාල්ල දිස්ත‍්‍රික්ක බෞද්ධ සම්මේලනය වෙනුවෙන් රුහුණු සරසවියේ කුලපති පල්ලත්තර සුමනජෝති හිමියන් විසින් එම ගෞරව නාමය ඇමතිවරයා වෙත ප‍්‍රදානය කර ඇත.මෙහිදී සුමනජෝති හිමියන් නරකත් හොඳට සිටින අවස්ථා තිබෙන බව පවසමින් අතීත කතාවක් ද සිහිපත් කළේය.‘‘ මට පහුගිය දවස්වල පොඩි පොඩි ප‍්‍රශ්න තිබුණා. මා සොලවන්න කිහිපදෙනෙක් උත්සාහ කළා. මා සොලවන්න බැරි වුණා. මම රුහුණේ කොල්ලෙක්. මේ දවස්වල මම පොඩි නිවාඩුවක්  පිට ඉන්නවා. රජවරු කලබල වුණාම යන්නේ රුහුණටයි. මාත් ඒ වගේ පොඩි නිවාඩුවක් ගත්තා.’’ යැයි ඇමැති මර්වින් සිල්වා මහතා මාධ්‍ය අමතා පැවසිය.

ඉතාලියේ සංචාරයක නිරත වූ එජාප මන්ත‍්‍රී දයාසිරි ජයසේකර මහතා විවර එෆ් එම් සමග වත්මන් දේශපාලන තත්ත්වය පිළිබඳ කළ සංවාදය පහතින් කියවන්න.

මොකද ඉතාලියෙ කරන්නෙ?
වෙරෝනා නගරයේ එජාප ශාඛාවේ සභාපතිවරයාගේ ආරාධනයට තමයි මම ඉතාලියට ආවෙ. මිලානෝ, බ්‍රෙසියා ඇතුළු නගර කිහිපයක් සංචාරය කළා. මේක මගෙ පෞද්ගලික සංචාරයක් වුණ මම කල්පනා කළා පාක්ෂිකයන් හමු වෙලා පක්ෂ සංවිධාන කටයුතු ගැන කතා කරන්න.

පක්ෂයේ නායකත්ව අර්බුදය දැන් ඉවර ද?
නායකත්ව අර්බුදය අවසන්. පක්ෂයේ නායකයා ලෙස රනිල් වික‍්‍රමසිංහ මහතා පත් කර ගත්තා. සෙසු තනතුරුවලටත් පත් කිරීම් සිදු වුණා. දැන් තියෙන්නෙ සිදුවුණ කැඞීම් බිඳීම් තුවාල වුණ අය සියල්ල එකතු කරගෙන ඉදිරි ගමනක් යාම තමයි. ඒ ඒකරාශී කර ගැනීමේ වගකීම තියෙන්නෙ අලූතෙන් පත්වුණ නායකයා ඇතුළු කණ්ඩායමට තමයි.

පක්ෂ නායකත්වය සඳහා පැවැති ඡුන්ද විමසීම සාධාරණ නැහැ කියලා කතාබහක් ඇති වුණා?
ඔවු. ඒ වෙනුවෙන් කතා කරල මට දීප දඩුවම තමයි මාව කෘත්‍යාධිකාරී මණ්ඩලයෙන් ඉවත් කිරීම. සරත් ෆොන්සේකා මහතා ජනාධිපතිවරණයෙන් පරාජය වූණේ කම්පියටර් ජිල්මාට් එකකින් කියල අපි දන්නවා. එතුමා පරාජය වුණා කියල අපි සටන නැවැත්තුවෙ නැහැ. ඉතින් අපටත් තියෙන්නෙ රාජපක්ෂ මහතාගේ ආණ්ඩුව පරාජය කිරීම සඳහා සටන්වදිනඑකයි.

විකල්ප එජාපයක් ගැන අදහසක් තියෙනවා ද?

Read more... Add new comment